نادان کی خاموشی Nadan ki Khamushi

 بسم اللہ الرحمن الرحیم 

نادان کی خاموشی Nadan ki Khamushi 

حکایت 

امام ابو یوسف رحمۃ اللہ تعالی علیہ کی مجلس میں ایک شخص بیٹھا کرتا تھا ۔ جو ہمیشہ خاموش رہ کر گفتگو سنا کرتا تھا ۔ اور خود کبھی نہ بولتا تھا ۔ ایک بار حضرت امام ابو یوسف نے اس سے فرمایا کہ میاں تم ہمیشہ چپ ہی رہتے ہو ۔ کبھی تم بھی بولا کرو، تو اس نے کہا اچھا حضور ! ایک مسئلہ بتاییے کہ روزہ دار افطار کس وقت کرے ؟ امام ابو یوسف نے فرمایا جب سورج ڈوب جائے ۔ تو وہ بولا ، کہ اگر سورج آدھی رات تک بھی نہ ڈوبے تو کیا کرے ۔ حضرت امام ہنس پڑے اور فرمایا کہ تمہارا چپ رہنا ہی بہتر ہے ۔

( حیوٰۃ الحیوان ص 119 ج 1 قدیم )

سبق 

نادان کی چپ ہی بھلی ہوتی ہے اور نادان جب بولتا ہے تو طوفان ہی تولتا ہے ۔

( سچی حکایات ح 3 ص 512 )

از 

کلیم الدین مرکزی طرب بہاری