سلطان محمود غزنوی اور شیخ ابوالحسن خرقانی

    ﷽

سلطان محمود غزنوی اور شیخ ابوالحسن خرقانی اور کچھ باتیں 

حضرت سلطان محمود غزنوی رحمہ اللہ تعالی شیخ ربانی سیدنا ابوالحسن خرقانی قدس سرہ کی زیارت کے لیے حاضر ہوئے     تھوڑی دیر بیٹھ کر عرض کی حضرت فرماییے سیدنا شیخ بایزید بسطامی کیسے بزرگ ہیں ۔ انہوں نے فرمایا ، وہ ایسے بزرگ ہیں کہ جس نے ان کی زیارت کی تو وہ ہدایت پاگیا اور جنتی ہوگیا اور ایسی سعادت زہے نصیب ۔ سلطان محمود غزنوی رحمہ اللہ تعالی نے عرض کی کہ یہ کیسے ہوسکتا ہے کہ ابوجہل نے نبی پاک ﷺ کو رات دن  دیکھا لیکن بد بختی میں پھنسا رہا ۔اور جنتی نہ ہوا اور بایزید کا دیکھنے والا جنتی کیونکر ہوکستا ہے ؟۔ ۔ حضرت ابوالحسن خرقانی رحمہ اللہ تعالی نے فرمایا کہ ابوجہل نے محمد رسول اللہ ﷺ کو نہیں دیکھا بلکہ محمد بن عبداللہ (ﷺ) کو دیکھا اگر وہ محمد رسول اللہ ﷺ کو دیکھ لیتا تو وہ بد بختی سے نجات پالیتا اور جہنمی نہ رہتا اور اسے ابدی سعادت نصیب ہوتی ۔ چنانچہ اس کی دلیل یہ آیت ہے : 

   رب تعالی فرماتا ہے 

" وتراھم ینظرون الیک وھم لایبصرون " 

آنکھ سے دیکھنا نظر ہے اور دل سے دیکھنا بصیرت ۔۔۔  حضور ﷺ کو سر کی آنکھوں سے دیکھنے کا کوئی فائدہ نہیں اور نہ ہی اس سے سعادت نصیب ہوسکتی ہے ۔ یہ سعادت تو حضور ﷺ کو قلب اور سر( راز) سے دیکھنے سے نصیب ہوسکتی ہے اور آپ کی مکمل تابعداری سے  

( تفسیر روح البیان ج 2 پ 3 ص 211 مترجم ) ( از ابن عربی ) 

صوفیا فرماتے ہیں کہ دنیا میں دوزخ کے راستے صدہا ہیں ۔ جنت کی ایک ہی  ۔ پگ ڈنڈی سے پگ ڈنڈی ایسی مختصر ہوتی ہے کہ پیچھے والا آگے والے کے برابر ہوکر آگے نکل سکتا ہی نہیں ، بڑی کوشش کرتاہے کہ آگے والے کے نقش قدم پر قدم رکھے۔  راستہ کے غار خار آگے والا جانے یوں ہی ہمارا فرض کہ حضورﷺ کے نقش قدم پر قدم رکھنا ہے راستہ کے ذمہ دار حضور ﷺ ہیں اس لیے حکم ہوا " فاتبعونی " میری اتباع کرو ۔ برابر آکر آگے نکلنے کی کوشش نہ کرو ۔ ریل کے ڈبے انجن کے برابر آکر آگے نہیں نکل سکتے انہیں پیچھے ہی رہناہے  لہٰذا فاتبعونی ( تمہارے لیےاور جملہ انسانوں ) کے لیے بالکل درست ہے۔  

( تفسیر نعیمی  ج 3 پ 3 ص 359) 

۔۔۔۔۔۔۔

مفہوم و نقل  

۔۔

کلیم االدین مرکزی طرب بہاری